عراقی فورسز نے کرکوک میں 82 داعش دہشت گردوں کو ہلاک کردیا

مہر خبررساں ایجنسی نے الیوم السابع کے حوالے سے نقل کیا ہے کہ عراقی فورسز نے کرکوک میں فوجی آپریشن کے دوران گذشتہ 4 دنوں میں 82 داعش دہشت گردوں کو ہلاک کردیا ہے۔ اطلاعات کے مطابق عراقی فورسز نے صوبہ کرکوک کے دو علاقوں انشاد اور الریاض میں 4 روزہ آپریشن کے دوران 82 داعش دہشت گردوں کو ہلاک کردیا۔ اس کارروائی میں دہشت گردوں سے بڑی مقدار میں اسلحہ اور گولہ بارود بھی برآمد کیا گیا جبکہ بم نصب شدہ ایک گاڑی کو بھی تباہ کردیا گیا ۔اس کارروائی میں عراق کی رضاکار فورس بھی شامل تھی ۔